Elombe !
Tala lolenge mboka ekomi ndenge.
Tala lolenge ya yo ekolo ebungisi ngenge.
Congo ya Lumumba, lelo ya loyenge;
Buluyeke eke-ezongi Mokonzi, mongamba toyaba te nani aza nani.
Pasi kaka !
Tolela epa ya nani ?
Biso moko bana na nana !
Tolenda kaka mpo esika ya kokima ikele ve.
Yango,
Yo lokola ozali kokende kelasi,
Yeba ete kuna okeyi maseki te;
Okeyi kokolisa mayele mpo na kobongisa mboka.
Lobi biso tokozala te, kasi yo okozala.
Mayele mpe bwanya na yo nde ekonza Yeba !
Mpe yeba lisusu !
Cheick anta Diop aloba : « Ndokisama na nzebi kino na lino »
Bienvenu Sene mpe aloba : « Salela bongo »
Ngai mpe lelo nayebisi yo : « kaka na koyekola nde okokola mpe okolisa mboka na yo. Libanda ya nzebi bomoyi ezali te »
Totindi yo na kelasi mpo oyekola kokonza bandeko na yo te.
Totindi yo na kelasi mpo oyiba nkita ya mboka na yo te.
Totindi yo na kelasi mpo omona pamba bokoko na yo te.
Yeba !
Lenda !
Tosa !
Mpe Bika sembo !
Botangi elamu mwana ya Congo !
Elili ya ndeko Ruben en reportage
Molakisi Edimo Lumbidi